Studentlar qanday qilib ham o‘qib, ham pul ishlab topishi mumkin

Bu aksar studentlarni qiynaydigan masalalardan biri hisoblanadi. Misol uchun Rossiya, Koreya yoki boshqa shu kabi joylarda o‘qiyotganlar haftada 1 - 2 kun dam olish kunlari biror qo‘l mehnati qilib ishlab topgan puli bemalol 1 haftaga yetishi mumkin. Chunki u yerda ishchi kuchiga to‘lanadigan pul miqdori yaxshi. Ammo bizda bunday emas...

Bizda ham o‘qib, ham ishlashning birmuncha usullari bor. Shulardan sizga tavsiya qiladiganimizni o‘qishga kirishingizdan oldin yoki o‘qishga kirgan bo‘lsangiz ham imkon boricha tezroq biror zamonaviy kasb masalan: grafik dizayn, smm, dasturlash kabi biror sohani yaxshilab o‘rganib mutaxassisi bo‘ling. Agar chet tilini bilsangiz chet el kompaniyalariga yaxshigina daromad olib frilanserlik qilishingiz mumkin. Lekin chet tilini bilmasangizu, kasbingizni zo‘r bilsangiz hozirda bizda ham O‘zbek frilanserlarga ishlar talaygina. Xullas sizga maslahatim shuki imkon boricha tezroq biror zamonaviy kasbni ish qo‘lingizdan keladigan darajada o‘rganib oling.