Mening ismim Sharofatxon. Ingliz tiliga bo‘lgan ishtiyoqim tufayli so‘nggi bir yil davomida turli yoshdagi o‘quvchilarga online va offline tarzda ingliz tilini o‘rgatib kelmoqdaman. Shu vaqt ichida 50 dan ortiq o‘quvchiga IELTS va General English yo‘nalishlarida muvaffaqiyatli yordam berganman. Yoshligimga qaramay, dars berish jarayoni menga juda yoqadi. Darslarimda tilni yodlash emas, balki tabiiy muloqot orqali o‘rganishga katta e’tibor qarataman. Ingliz tili o‘quvchining hayotida haqiqiy, ishlaydigan ko‘nikmaga aylanishi — mening asosiy maqsadim. Mashg‘ulotlar amaliy mashqlar, suhbatlar va interaktiv faoliyatlarga boy bo‘lib, o‘quvchilarning ingliz tilida erkin, ishonchli va tabiiy ravishda so‘zlashi uchun mustahkam poydevor yaratadi.