Mening ismim Razzoqov Xursand, 31 yoshdaman. Xorazm viloyati Shovot tumanidagi iqtisoslashtirilgan maktab-internatida 4 yildan beri fizika fanidan dars berib kelayotgan oliy toifali ustozman. Bu vaqt davomida 1000 dan ortiq o‘quvchini tayyorlaganman, ularning ko‘pchiligi nufuzli xalqaro universitetlarda o‘qishni davom ettirmoqda. O‘quvchilarimning natijalari — mening eng katta yutug‘im. Men GRE Physics sertifikatiga va Milliy sertifikatga egaman. Fizika faniga bo‘lgan qiziqishim, murakkab masalalarni yechishdan zavq olishim va fan mohiyatini sodda tarzda tushuntira olishim o‘qituvchilik faoliyatimning asosiy kuchli jihatlaridan biridir. Dars jarayonida har bir o‘quvchi bilan yaqin ishlashga, individual yondashuv qo‘llashga va fizika fanini hayotiy misollar orqali tushunarli tarzda yetkazishga harakat qilaman.