PDP University

PDP University — bu PDP Ecosystem tomonidan 8 yillik IT ta’lim tajribasi asosida tashkil etilgan zamonaviy IT universiteti. Universitet IT va unga aloqador sohalarda yuqori malakali mutaxassislarni tayyorlashni maqsad qilgan. PDP University’ning asosiy e’tibori talabalarga texnologiyalar tez o‘zgarayotgan zamonga moslashish uchun zarur bo‘lgan bilim va ko‘nikmalar berishga qaratilgan. Universitetning ta’lim dasturlari zamonaviy yo‘nalishlarni qamrab oladi: • Dasturlash va dasturiy ta’minot ishlab chiqish; • Ma’lumotlarni tahlil qilish va sun’iy intellekt; • Biznes tahlili va loyiha boshqaruvi; • Axborot texnologiyalari va innovatsiyalar. Asosiy ta’limdan tashqari, PDP University talabalarning IT texnologiyalari bo‘yicha bilimlarini chuqurlashtirish, matematik va analitik fikrlashni rivojlantirish uchun doimiy tarzda maxsus kurslar hamda soha mutaxassislari ishtirokida tadbirlar tashkil etib boradi. Universitetdagi ta’lim jarayonida zamonaviy, faol va individual yondashuvlarga asoslangan ilg‘or usullar qo‘llanilib, talabalarning o‘quv jarayonlarida faol ishtirok etishi ta’minlanadi. Ushbu ta’lim usullariga, tanqidiy fikrlashni rivojlantirish, muammolarni mustaqil hal qilish qobiliyatini shakllantirish va har bir talabaga individual e’tibor qaratish kabilar kiradi. Biz, shuningdek, talablarimizga ijtimoiy mas’uliyat, o‘zaro hurmat va jamoaviy ishlash kabi qadriyatlarni ham shakllantirib boramiz. PDP University’ning o‘ziga xosligi: • PEARSON BTEC metodikalari bo‘yicha, xalqaro standartlarga mos ta’lim berish; • IT kompaniyalarida majburiy amaliyotlar va amaliy loyihalar bilash ishlash; • Yuqori kurslarda xalqaro dasturlarda ishtirok etish va chet elda o‘qish imkoniyatlari; • Yirik xalqaro kompaniyalarga ishga joylashishga ko‘mak beruvchi konsultatsiyalar. PDP University’da o‘qishning afzalliklari: • Xalqaro toifadagi o‘qituvchilar; • Har bir talaba uchun individual yondashuv; • Olimpiadalar va IT xakatonlarda ishtirok etish; • Muntazam madaniy va sohaga oid tadbirlar; • Zamonaviy sport infratuzilmasi: futbol, basketbol, shaxmat, stol tennisi va boshqalar.