BuxDU talabasi – Prezident Olimpiadasi g‘olibi!

27-noyabr kuni Toshkent davlat transport universitetida Oliy taʼlim, fan va innovatsiyalar vaziri Qoʻngʻirotboy Sharipov, Fransiya Transport vaziri Filipp Tabaro hamda ikki mamlakat taʼlim va aviatsiya sohasi mutasaddilari ishtirokida hamkorlik bitimini imzolash marosimi boʻlib oʻtdi.Toshkent davlat transport universiteti, Fransiyaning Milliy fuqaro aviatsiyasi maktabi (ENAC) va dunyoning yetakchi aerokosmik kompaniyalaridan biri – Airbus oʻrtasida imzolangan ushbu bitim taʼlim, ilm-fan va amaliyotni integratsiya qilgan holda aviasozlik soha uchun yuqori malakali kadrlar tayyorlashga xizmat qiladi.

Davlat tibbiyot muassasalarida kamida 15 yil ish stajiga ega bo‘lgan tibbiyot va farmatsevtika xodimlarining farzandlariga respublika hududidagi oliy ta’lim tashkilotlarida bakalavriat ta’lim yo‘nalishi bo‘yicha yillik kontrakt summasining 30 foizi miqdoridagi, biroq bazaviy hisoblash miqdorining 15 baravaridan oshmaydigan (bugungi kunda 6 mln 180 ming so‘m) qismi qoplab beriladi — Prezident qarori.Ushbu yangilik 2026-yil 1-yanvardan boshlab Tibbiyot muassasalarining moddiy rag‘batlantirish va rivojlantirish jamg‘armasi mablag‘lari hisobidan amalga kiritiladi.

Ko‘pchilik bilmaydi: O‘zbekiston Soliq kodeksining 378-moddasiga asoslanib, siz ta’lim uchun to‘lagan kontrakt summasidan 12% daromad solig‘ini qaytarib olishingiz mumkin. Bu nafaqat o‘zingiz uchun, balki farzandlar, shuningdek 26 yoshga to‘lmagan turmush o‘rtog‘ingiz o‘qishi uchun to‘langan kontraktga ham tegishli.Agar siz tijorat banki orqali ta’lim krediti olgan bo‘lsangiz — kredit foizlari ham soliqdan ozod etiladi. Ya’ni, kredit to‘lovlarining ham bir qismi sizga qaytadi. Eng muhimi, super-kontrakt to‘lovlariga ham aynan shu imtiyoz tatbiq etiladi!Asosiy maqsad — ta’lim xarajatlarini yengillashtirish. Shunchaki zarur hujjatlarni rasmiylashtirasiz va davlat sizga to‘langan pulning bir qismini qaytaradi. Yiliga millionlab so‘mlar ortga qaytishi mumkin — bundan foydalanmaslik katta yo‘qotish!